ചേര്ത്തല: എഎസ്എംഐ സഭാസമൂഹത്തിന്റെ സ്ഥാപകനും കരുണാര്ദ്ര സ്നേഹത്തിന്റെ കാവലാൾ എന്നും അറിയപ്പെടുന്ന ദൈവദാസന് ജോസഫ് കണ്ടത്തിലച്ചന്റെ 34-ാമത് സ്മരണത്തിരുനാള് ആചരിച്ചു.
ചേര്ത്തല മതിലകം ഗ്രീന്ഗാര്ഡന്സ് ചാപ്പലില് നടന്ന വിശുദ്ധ കുര്ബാനയ്ക്ക് മരുത്തോര്വട്ടം സെന്റ് സെബാസ്റ്റ്യന്സ് പള്ളി വികാരി ഫാ. ജോര്ജ് മൂഞ്ഞേലി നേതൃത്വം നല്കി. തുടര്ന്ന് നടന്ന പൊതുയോഗം മുട്ടം സെന്റ് മേരീസ് ഫൊറോന വികാരി ഫാ.ജോഷി വേഴപ്പറമ്പില് ഉദ്ഘാടനം ചെയ്തു. എഎസ്എംഐ സുപ്പീരിയര് ജനറല് സിസ്റ്റര് ഇസ്ബെല് ഫ്രാന്സിസ് അധ്യക്ഷത വഹിച്ചു.
ജോസഫ് ആന്റണി കണ്ടത്തിപ്പറമ്പില് രചിച്ച ‘ദൈവദാസന് ജോസഫ് കണ്ടത്തില് ഒരു സന്തത സഹചാരിയുടെ ഓര്മക്കുറിപ്പുകളിലൂടെ’ എന്ന പുസ്തകത്തിന്റെ പ്രകാശനം ഫാ.ജോഷി വേഴപ്പറമ്പില് സിസ്റ്റര് ധന്യ ഫ്രാന്സിസിന് നല്കി നിര്വഹിച്ചു.
ഹാര്ബിന്ഗര് ഓഫ് കമ്പാഷന് (Harbinger of Compassion) എന്ന ബുള്ളറ്റിന് പ്രകാശനം ഫാ.പോള് കാരാച്ചിറ നിര്വഹിച്ചു. സജി കുര്യാക്കോസ്, സൈമണ് പാലുത്തറ എന്നിവര് പ്രസംഗിച്ചു. എജ്യുക്കേഷന് കൗണ്സിലര് സിസ്റ്റര് ലിന്റാ ഫ്രാന്സിസ് സ്വാഗതവും അസിസ്റ്റന്റ് ജനറല് സിസ്റ്റര് റെജീസ് മേരി നന്ദിയും പറഞ്ഞു.
Deepika
E-paper LOGIN
LOGIN
